MAKAMU WA PILI AHIMIZA JITIHADA SERIKALINI

Makamu wa Rais SAMIA SULUHU HASSAN amewahimiza wananchi wa Tanzania Bara na Zanzibar kuunga mkono jitihada zinazofanywa na serikali

Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza wakati anahitimisha kilele cha sikukuu ya WAKIZIMKAZI

Makamu wa rais SAMIA SULUHU HASSAN amewahimiza wananchi wa Tanzania Bara na Zanzibar kuunga mkono jitihada zinazofanywa na serikali ya Jamhuri ya Muungano wa Tanzania na Serikali ya Mapinduzi ya Zanzibar katika mapambano dhidi ya rushwa, na ufisadi ili kukomesha tabia hiyo ambayo inarudisha nyumba maendeleo ya wananchi.
Makamu wa Rais ametoa kauli hiyo wakati anahitimisha kilele cha sikukuu ya WAKIZIMKAZI katika kijiji cha KIZIMKAZI MKUNGUNI wilayani ya Kusini Unguja – ZANZIBAR.
Aidha makamu wa Rais amewahakikishia wakazi hao kuwa serikali itaendelea kuchukua hatua kali kwa watendaji wanaorudisha nyuma maendeleo ya wananchi ikiwemo ubadhirifu wa fedha za umma ili kukomesha tabia hiyo.
Mama SAMIA ni mwasisi wa sikukuu hiyo ambayo inatumiwa na wakazi wa maeneo hayo kufanya michezo mbalimbali ya jadi pamoja na kujadili na kuweka mipango na mikakati ya maendeleo kwa ushirikiano na viongozi wao