HABIBA NGULULU AAMUA KUGEUKIA UJASIRIAMALI

MDAU mkubwa wa muziki wa dansi Bongo, Habiba Ngululu ameamua kujikita kwenye ujasiriamali baada ya kufungua duka kubwa la nguo Mtaa Ngomano, Tandika, jijini Dar es Salaam.

Ngululu anayechangia maendeleo makubwa kwenye tasnia ya dansi, hususan ndani ya bendi za Mlimani Park Sikinde na Msondo Ngoma Music Band, amefungua duka hilo hivi karibuni akijihusisha zaidi na uuzaji wa nguo za wanawake na watoto.

"Nawakaribisha wateja wa aina zote dukani kwangu kwa ajili ya kujipatia matoleo mapya ya nguo na fasheni za kisasa kabisa kwa bei nafuu zaidi," amesema mdau huyo mcheshi kupita kiasi.

"Napokea pia oda za mavazi kutoka kwa wateja wangu mbalimbali kwa ajili ya shuguli tofauti tofauti zikiwamo harusi, send off na kitchen party," ameongeza.